Dominic Oppliger (*1983) hat Soziale Arbeit und Transdisziplinarität in den Künsten studiert, lebt in Zürich und arbeitet selbständig als Autor, Musiker, künstlerischer Berater und Schreibcoach. Sein Mundartroman «giftland» wurde 2024 mit einem Schweizer Literaturpreis ausgezeichnet. «Helsinki» (Der gesunde Menschenversand) erschien 2025 in Co-Autorschaft mit dem Musiker Vincent Glanzmann.

Ablauf Lesung

Kurze Vorstellung vom Buch und Erarbeitungsprozess/Co-Autor/innenschaft, danach Lesung der Einstiegssequenz mit Musik ab Sampler. Besprechung des Höreindrucks vom Zusammenspiel Text & Musik, danach Lesung einer zweiten Sequenz. Besprechung des Inhalts sowie des Verhältnisses Mundart - Deutsch und (Variante für 60-minütige Lesung) angeleitete Schreibübung anhand der Einstiegssequenz.

Werke

• Helsinki (2025, Der gesunde Menschenversand, Co-Autor Vincent Glanzmann), ab 9-14 J.
• Gschtüel (2026, Aris), ab 16 J.
• chönnti (2025, Co-Autor Tom Huber, cpress), ab 16 J.
• giftland (2023, Der gesunde Menschenversand), ab 16 J.
• acht schtumpfo züri empfernt (2018, Der gesunde Menschenversand), ab 16 J.

Leseprobe aus «Helsinki»

D Sunne isch tüüf am Himmel gschtande

knapp über de Hügelzüüg

churz vorem Undergaa

Wi a jedem andere Abig

Wi wänn nüt wär

Wi wänn de Moh

immer no da wär

bi mir

und nöd verschwunde

und scho sit Schtunde

wi vom Erdbode verschluckt

Alles hät genau so usgsee

wi immer

Wulche händ sich i dünne Fätze

flach über de Horizont zoge

Wulcheschtriäme

zerfätzt

durschtoche

vo de letschte Sunneschtraale vom Tag

wi vo Mässer

vo Schwerter

De ganz Himmel hät glüüchtet

i Farbe so grell

dass es bländet hät

De ganz Himmel hät glüüchtet

i Farbe

wo mir kei Näme defür händ

Kei Näme für d Farbe

mir händ kei Näme für d Farbe

Aber de ganz Himmel hät glüüchtet

i dere einte Farb

wo mir nöd wüssed

wi si heisst

Diä Farb

wo s di Frucht git

Di Frucht

wo fascht heisst wi di Farb

und sälber au di Farb hät

Sone rundi

rund wi en Ball

mit ere Huut wo glichzitig

weich und hert isch

aber nöd fein zum Ässe

Me muss di Frucht schäle

inne isch si süess und saftig

D Huut usse aber

isch fescht und glänzig

mit chline Högerli

chlini rundi Högerli

Sone Huut

wi si de Tok uf sine Bagge hät

Döt uf sine Bagge

wo Bibeli wachsed

dicht versammlet

groossi und chlini

Sini ganze Bagge

voll mit glänzige Bibelihöger

De Tok seit

das segi ganz normal

das heged alli Teenager

und ich chämi so Bibeli sicher au bald über

Das weiss er useme Heftli

woner irgendwo im Wald

imene alte Plastigsack gfunde hät