Stefanie Grob ist Spokenword-Autorin und Satirikerin. Sie begann als Poetry-Slammerin, war 20 Jahre regelmässig auf Radio SRF 1 zu hören und schreibt Bücher.

Langjährig ist auch ihre Erfahrung mit Klassen: 2008 war sie im Kanton Bern am Pilotprojekt «Spokenword an den Schulen» beteiligt, das heute noch läuft. Für ihr erstes Buch «Inslä vom Glück» erhielt sie einen Literaturpreis der Stadt Zürich

Besonderes

Viel Witz und nahe bei den Jugendlichen – thematisch, aber auch über die Mündlichkeit der Sprache.

Werke

• Inslä vom Glück (ab 13)
• Budäässä (ab 13)
• Hochleischtigserholig, ab 13 (neues Buch ab Herbst 26)

Leseprobe aus «Hochleischtigserholig»

Zumstägs si ga Stand-up-Paddlä in Panama

Zumtors si ga Skidivä in Skandinaviä

Zumbrunns si ga kite-surfä in Kamerun

Schmids si itz Jiu-Jitsu in Tschechiä

Keisers si ga crossfittä in Kroatiä

Greenwoods si ga canyoningä in Kanada

Durguttis si ga downhillä i dä Andää

Blasers si ga basejumpä in Belarus

Dalmolins si ga touchä in Toulouse

Und Kramers si ga Kanufahrä in Reykajavik

Zällers si bim nä Selfie-Vrsuäch in Ouschtraliä vomänä hässigä Känguru aagriffä wordä.

Chens hei säch mit äm Kajak i dä norwegischä Fjordä so vrpaddlät, dass si ersch 6 Stung speter ufä Campingplatz zrügg hei gfundä.

Dürrers si bim Dürquere vom Kaukasus per Zuäfall uf Glättlis gstossä.

Du Bois hei ä schlimmä Dünnschiss dürägmacht, wüll d Seine nach dä olympischä Spiel scho wieder voll abkackt isch.

Dr Reto Zougg het sini suufändä, gröhländä Mit-Tourischtä uf dä spanischä Inslä so doof gfundä, dass är sich spontan dä Proteschtä vo dä Iiheimischä het aagschlossä.

U z jüngschtä vo Bottmers isch uf dr Bettmeralp umänäs Haar vorä pfiffigä Murmäli-Familiä iz Loch glockt wordä.